Hrafnista Reykjanesbæ Nesvellir

Í mars 2014 tók Hrafnista við rekstri á nýju hjúkrunarheimili á Nesvöllum í Reykjanesbæ. Auk þess tók Hrafnista yfir rekstur Hlévangs sem er eldra hjúkrunarheimili. Hjúkrunarheimilin í Reykjanesbæ eru rekin eftir sömu hugmyndafræði og þróuð hefur verið á Hrafnistu í Kópavogi, Lev og bo, þar sem rík áhersla er lögð á sjálfsákvörðunarrétt og þátttöku íbúa. Hönnun húsnæðisins tekur mið af þessari hugmyndafræði, sem byggir á litlum einingum með eldhúsi, setustofu og borðstofu í miðju hússins sem myndar umgjörð um daglegt líf á heimilinu.