RHA - Rannsóknamiðstöð Háskólans á Akureyri

RHA - Rannsóknamiðstöð Háskólans á Akureyri er sjálfstæð eining innan Háskólans á Akureyri (HA) og hefur verið starfandi frá árinu 1992. Hlutverk okkar hefur frá upphafi verið að:

• Efla rannsóknir við HA
• Stunda þjónusturannsóknir
• Gefa út og kynna niðurstöður rannsókna við HA
• Styrkja tengsl HA við atvinnulífið
• Hafa samstarf við innlenda og erlenda rannsóknaaðila
• Veita upplýsingar og ráðgjöf
• Standa fyrir námskeiðum, fyrirlestrum og ráðstefnum

Starfsfólk RHA er vel menntað á margvíslegum sviðum og þar af leiðandi getum við tekið að okkur fjölbreytt verkefni. Gott aðgengi er að akademískum starfsmönnum HA sem eykur mjög getu okkar á ólíkum fagsviðum. Viðskiptavinir okkar og samstarfsaðilar eru fjölbreytilegur hópur. Afrakstur rannsókna RHA er almennt aðgengilegur á vefsíðu miðstöðvarinnar í rafrænu formi (flokkað eftir árum). Til viðbótar við rannsóknaverkefni sem unnin eru fyrir fyrirtæki og stofnanir, innlendar sem erlendar, býður RHA upp á margvíslega þjónustu sem kemur að rannsóknum, sérhæfða sem almenna. Hér má nefna; hönnun og framkvæmd rannsókna, gerð spurningalista og viðtalsramma, tölfræðileg og eigindleg úrvinnsla, jafnlaunakannanir, vef-,úthringi og póstkannanir. Auk þess sem RHA hefur yfir að ráða sjálfvirkum skönnunar- og gagnavinnsluhugbúnaði sem færir upplýsingar af prentformi yfir í stafrænt form.

Við erum opin fyrir hvers kyns samstarfi og leitum leiða til að greiða götu þeirra sem hafa hug á að nýta þjónustu okkar á sviði rannsókna. Hafa má samband á rha@unak.is í s. 460-8900 eða beint til einstakra starfsmanna.