Dýralæknastofa Reykjavíkur ehf

Dýralæknastofa Reykjavíkur er ný stofa miðsvæðis í Reykjavík. Við bjóðum við upp á alla almenna þjónustu fyrir smádýr og leggjum við okkur fram um persónulega þjónustu þar sem við gefum okkur nægan tíma fyrir þarfir hvers sjúklings. Stofan er útbúin fullkomnum tækjum til rannsókna ásamt fullbúinni skurðstofu þar sem framkvæmdar eru allar helstu skurðaðgerðir. Stofan er einnig partur af neyðarvakt dýralækna á höfuðborgarsvæðinu og önnumst við þá alla neyðarþjónustu fyrir öll dýr stór sem smá. Dýralæknar stofunnar hafa áralanga reynslu og þekkingu af umönnun dýra og meðhöndlun sjúkdóma ásamt almennri ráðgjöf um fóðrun og umhirðu smádýra.

Við bjóðum upp á alla almenna dýralæknaþjónustu, heilbrigðisskoðanir, bólusetningar og lyflækningar. Við erum með fullbúna skurðstofu og bjóðum upp á allar helstu skurðaðgerðir. Við erum með nýja tannhreinsivél svo það þarf enginn hundur né köttur að fara út frá okkur með neitt minna en bjartasta tannkrembros.

Neyðarvakt

Það er alltaf einhver á vaktinni á Dýralæknastofu Reykjavíkur. Ef það eru ekki við sjálfar sem erum á vakt þá erum við í vaktarsamstarfi dýralækna á höfuðborgarsvæðinu þ.a. það er tekið á móti öllum sjúklingum sem þurfa aðstoð allan sólarhringinn.

Á stofunni erum við með ýmsar gæludýravörur í boði. Við erum með hágæða sjúkrafóður frá Royal Canin og Hill's, fæðubótaefni, nagbein og nammi og bætiefni frá Dr. Clauder's.